अर्जेन्टिनी फुटबलरत हडतालय्
लहनान्यूज | चिल्लाथ्व षष्ठी ११३७ (मार्च ४ २०१७)
![](https://www.lahananews.com/sites/default/files/argentina.jpg)
अर्जेन्टिनाया फुटबलरतयसं हड्ताल न्ह्याकूगु दु ।
यक्व हे क्लबतयसं आर्थिक संकट फयेमालाच्वंगु इलय् फुटबलरत हडतालय् कुहांवःगु खः । तःगु हे महिनाया तलब मवयेधुंकाः कासामितयसं हड्ताल न्ह्याकूगु खः ।
फुटबलरतयगु युनियनं तलब मब्यूतल्ले मम्हितेगु धाःगु दु । अर्जेन्टिना फुटबल एशोसिएनया उच्च अधिकारी टेलिभिजन प्रशासन अधिकारयात कयाः आर्थिक अनियमिताय् फसे जुइधुंकाः संकट न्ह्याःगु धाःगु दु ।
हड्तालय् २सः स्वयां आपाः अर्जेन्टिनी क्लबया कासामित आवद्ध दु । अर्जेन्टिनी फुटबलरत हड्तालय् कुहां वयेधुंकाः च्वयया डिभिजनया कासात स्थगित यायेमाःगु दु ।
संकट ज्यंकेत धासें सरकारं बिहीबाः फुटबल एशोसिएसनयात २२ मिलियन डलर ब्यूगु खः । तर, कासामि संघं थ्व धेबा मगाःगु धाःगु दु ।
Categorized in कासा