आइसीसी विश्वकप क्रिकेट लिग२ अन्तर्गत अमेरिकाविरुद्ध निगूगु कासाय् नेपाल १७४गू रनय् आउट जूगु दु । टर बुना ब्याटिङ याःगु नेपालं सन्तोषजनक कथं ब्याटिङ याय् मफुत ।
ओपनर ब्याट्स्म्यान आशिफ शेखयात अमेरिकां ५गू रनय् हे लिकुंका आउट यानाबिउगु खः । मेम्ह ओपनर कुशल भुर्तेल नं ३६गू रनय् आउट जुल । रोहित पौडेल २गू रन, विनोद भण्डारी १०गू रनय् हे आउट जूगु खः । कुशल मल्ल सुन्य रनय् पेभेलियन लिहाँवःगु खः ।
सोमपाल कामी २गू रनय् आउट जूबले करन केसीं १२गू व सन्दी लामिछानें ११गू रन दयेकल । नेपालया नितिं लगातार विकेट वनाच्वंगु ईलय् कप्तान ज्ञानेन्द्र मल्ल ५५गू रन दयेकेत ताःलात ।
१०५ बलया सामना याःम्ह मल्लं ३गू चौकाया मद्दतं ५५गू रन दयेकूगु खः । डेब्यू कासामी गुल्सन झा २८गू रन दयेका पेभेलियन लिहाँवनेमाःगु खः ।
अमेरिकाया सौरभ नेत्रभल्कार छम्हेसिनं हे ४गू विकेट काःगु खः । आईसीसी विश्वकप क्रिकेट लिग२ अन्तर्गत सोमबाः जूगु न्हापांगु कासाय् नेपालं अमेरिकायात ५गू विकेटं बुकूगु खः ।
Categorized in कासा