अफगानिस्तानयात बुकाः न्युजिल्याण्ड आइसीसी विश्वकप टि ट्वेन्टी क्रिकेटया सेमिफाइनलय् थ्यंगु दु ।

आबुधाबीया शेख जायद स्टेडियय् म्हिगः जूगु कासाय् अफगानिस्तान न्युजिल्याण्डलिसे ८ विकेटं बूगु खः । न्ह्यानाच्वंगु धेंधें बल्लाखय् न्यूजिल्यान्डया थ्व न्यागू कासाय् प्यंगूगु जित खः । कासा त्याकेत सच्छि व २५ रनया विजयी आज्जु ल्यूगु न्युजिल्यान्डं १८ दशमलब १ ओभरय् २ विकेट तंकाः आज्जु पूवंकल ।

कासा त्याःगुलिसें न्युजिल्याण्ड विश्वकपया सेमिफाइनलय् दुहांवंबलय् भारत छगू कासा न्ह्यवः हे पुचः झ्वलं पिहांवनीगु निश्चित जूगु दु । पुचःया महत्वहिन कासाय् थौं भारतं नामिबियालिसे म्हिती । म्हिगः हे जूगु निगूगु कासाय् पाकिस्तानं स्कटल्याण्डयात ७२ रनं बुकूगु दु ।

न्ह्यानाच्वंगु धेंधें बल्लाखय् पाकिस्तानया थ्व लगातार न्यागूगु जित खः । कासा त्याःगुलिसें पाकिस्तानं अष्ट्रेलियाविरुद्धया सेमिफाइनल कासा क्वःछ्यूगुदु । धेंधें बल्लाःया मेगु सेमिफाइनल कासाय् इंग्ल्याण्ड व न्युजिल्याण्ड चुलिंचू लाइ ।

Categorized in कासा