अझं छुं दिंतक वा वइगु प्रक्षेपण
लहनान्यूज | कौलागा द्वितिया, कात्तिक ५ शुक्रबाः
थौं न देय्या थीथी थासय् वा वयाच्वंगु दु । वा वइगु झ्वः छुं दिंतक अझं मदीगु मौसम पूर्वानुमान महाशाखां धागु दु ।
महाशाखां ब्यूगु जानकारी कथं प्रदेश १ व वाग्मती प्रदेशया छुंछुं थासय् हल्का वा वयाःच्वंगु दु । थौं न्हिनय् प्रदेश १, प्रदेश २, वाग्मती प्रदेश व गण्डकी प्रदेशय् सामान्य बदली जुयाः वा वइ ।
ल्यंदुगु प्रदेशय् आंशिकनिसें सामान्य बदली जक जुइ । अथेहे थौं चान्हय् न प्रदेश १, वाग्मती व गण्डकी प्रदेशया छुंछुं थासय् अले ल्यंदुगु प्रदेशया छथाय् निथाय् नं न्यानाः वा वइगु सम्भावना दुगु धासें महाशाखां माःकथं सतर्क अवस्थाय् च्वनेत छ्याता ब्यूगु दु ।
स्वनिगलय् थौं न्हिच्छिं अले चान्हय् तक मौसमय् बदली जुइ । वइगु सोमवाःनिसें जक मौसमय् सुधार वयाः मज्जां निभाः त्वइगु मौसम पूर्वानुमान महाशाखां प्रक्षेपण याःगु दु ।
Categorized in राष्ट्रिय