अग्नि फिटनेस क्लबया उलेज्या
नृपेन्द्रलाल श्रेष्ठ | बछलागा तृतिया ११३८ (मे ३ २०१८)
![](https://www.lahananews.com/sites/default/files/a1_8.jpg)
यल महानगरपालिकाया मेयर चिरिबाबु महर्जनं छगु ज्याझ्वः दथुइ यलया कुमारीपाटीइ न्हुगु अग्नि फिटनेस क्लबया उलेज्या यानादिगु दु ।
![](https://www.lahananews.com/sites/default/files/pictures/a2_11.jpg)
उगु ज्याझ्वलय् थःगु नुगः खँ तयादिसे यल मनपाया मेयर महर्जनं स्मार्ट सिटीइ सच्छि व झीन्हयगु बुँदाय् स्वास्थ्य न छगु खः धयादिसें स्वस्थ्य जुइत थःज्यागु फिटनेस क्लबय् ब्यायाम यायेत ई पिकाये माः धका धयादिगु खः ।
![](https://www.lahananews.com/sites/default/files/pictures/a5_2.jpg)
क्लबया संस्थापक नाप प्रशिक्षक राजेन्द्र महर्जनया सभाध्यक्षय् जुगु उगु ज्याझ्वलय् यल मनपा वडा न. १९ वडा अध्यक्ष बिनोद ताम्रकार, ललितपुर उद्योग बाणिज्य संघका बरिष्ठ उपाध्यक्ष भरतलाल जोशी, रुपकुमार शाक्य अग्निशाला मंकाः खलःया अध्यक्ष बुलाल महर्जन नाप विशेष अतिथी कथं ज्यापू समाजया अध्यक्ष प्रेम महर्जन न झयादिगु खःसा क्लबया संस्थापक दुजः बाबुुराजा ज्यापू ज्याझ्वः न्ह्याकादिगु खः ।
![](https://www.lahananews.com/sites/default/files/pictures/a4_2.jpg)
उगु क्लवय् प्रशिक्षक कथं जिम व कार्डियो प्रशिक्षकय् राजेन्द्र महर्जन, संजय डंगोल नाप जुम्बाया लागि रोमा श्रेष्ठ बरुण व पूजा बज्राचार्य च्वनादिगु दु ।
![](https://www.lahananews.com/sites/default/files/pictures/a3_3.jpg)