राष्ट्रियसभा सदस्यय् डा. अन्जान शाक्य मनोनीत
लहनान्युज | चौलाथ्व दशमी ११४४, बैसाख ६ बिहीवाः
डा. अन्जान शाक्य राष्ट्रियसभा सदस्यय् मनोनीत जुगु दु। राष्ट्रपति रामचन्द्र पौडेलं शाक्ययात थौ बिहीवाः राष्ट्रियसभा सदस्यय् नियुक्त यागु खः।
राष्ट्रपति पौडेलं नेपाःया संविधानया धारा ८६ या उपधारा (२) या खण्ड (ख) बमोजिम नेपाल सरकारया सिफारिसय् शाक्ययात नियुक्त यागु दु धका राष्ट्रपति कार्यालयया प्रवक्ता शैलजा रेग्मी भट्टराई न जारी याःगु विज्ञप्तिइ उल्लेख याःगु दु।
शाक्ययात वंगु २०७९ चैत ३० गते च्वंगु मन्त्रिपरिषद् बैठकं मनोनयया लागि राष्ट्रपतियात सिफारिस यायेगु निर्णय याःगु खः।
