नेकपा एमालेया अध्यक्ष केपी शर्मा ओलीं सुहाङ नेम्वाङं चुनावय् बूत धाःसा इलामयात घाटा जुइ धका धाःगु दु।

इलामया मङ्गलबारे बजारय् जूगु ज्याझ्वलय् थौ बुधवाः सम्बोधन यासे ओलीं धाःगु दु, ‘थनं चुनाव बूत धाःसा सुहाङयात मखु, इलामयात घाटा जुइ।’ एमालेय् ल्याय्म्हपि दुथ्याकेगु कथं सुहाङ नेम्वाङयात उम्मेदवार दयकःगु खः धका ओलीं धाःगु दु।

ओलीं धाःगु दु, ‘सुहाङ योग्य उम्मेदवार खः। सुहाङयात सुवास नेम्वाङया काय् कथं जक इलाम २ या मतदातापिन्स स्वइमखु।’ संविधानय् संघीयता एमालेया हे बःबिया तयागु खः धका धयादीसे ओलीं पहिचानवादीया लागि एमाले तधःगु शक्ति खः धका थःगु धारणा तःगु खः। ‘किरात धर्मगुरु फाल्गुनन्दयात राष्ट्रिय विभूतिया थाय् सू ना बिउगु खः, एमाले बिउगु मखुला ?’ ओलीं न्ह्यसः तःगु खः।

एमालें दक्को धर्म व संस्कृतिया सम्मान याइगुलि सुहाङयात त्याके माःगु धका थःगु खँ तःगु खः।

Categorized in राजनीति