इजरायली सेनां गाजास्थित नुसिराट शरणार्थी शिविरय् आक्रमण याःगु दु। उगु आक्रमणय् लाना २७ म्हेसिगु ज्याना वःगु दु धका अलजजिरां धाःगु दु।

अथेहे आक्रमणय् लाना यक्को घाःपाः जुगु दु। घाःपाः जूपिन्त अल–बालाहया अल–अक्सा सहिद अस्पतालय् वासः याकाच्वंगु दु।

अथेहे गाजाय् भोकमरीया कारण यक्को हे मस्त सी ना च्वंगु दु धका विश्व स्वास्थ्य संगठन (डब्लूएचओ) न धाःगु दु। पोषणया कमीं कम तौलया मस्त बुयाच्वंगुलि अथे मस्त सी ना च्वंगु धका गाजाया स्वास्थ्यकर्मी तय्स धाःगु दु।

थ्व हे दथुइ, बेलायतं गाजाय् २ हजार टन खाद्यान्न ग्वहालि याःगु दु। बेलायतं बिःगु अनुदान २ हजार टन स्वया अप्पो खाद्यान्न ग्वहालि जोर्डन जूया गाजाय् वःगु खः। करिब २ लाख ७५ हजार मनू तय्त नयेत गाइ धका खाद्यान्न विश्व खाद्य ज्याझ्वः न धाःगु दु।

Categorized in अन्तर्राष्ट्रिय