न्यागु दल दथुइ न्ह्यय्गु बुँदे सहमति
लहनान्युज | चिल्लाथ्व दुतिया ११४४, फागुन २९ मंगलवाः
नेकपा एकीकृत समाजवादीयात दुथ्याका सत्तारुढ दलपिन्स मेगु न्ह्यय्गु बुँदे सहमति याःगु दु। थ्व स्वया न्ह्यः वंगु फागुन २१ गते नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी (रास्वपा) व जनता समाजवादी पार्टी (जसपा) दथुइ च्यागु बुँदे लिखित सहमति जुगु खः।
उगु इलय् माधवकुमार नेपाल नेतृत्वया एकीकृत समाजवादी दुमथ्यागु खः। तर मंगलवाः एकीकृत समाजवादीयात न दुथ्याका न्यागु दल दथुइ न्ह्यय्गु बुँदे सहमतिइ ल्हाःचिं तःगु खः।
आः जुगु न्हुगु सहमतिइ न्हुगु सरकार गठन धइगु बुँदा चिइकूगु खः। थौ जुगु लिखित सहमतिइ राष्ट्रियसभाया अध्यक्षय् माओवादी केन्द्रया उम्मेद्वारयत समर्थन यायेगु समावेश दु।
च्याःगु बुँदे सहमतिइ राष्ट्रियसभाया उपाध्यक्षय् एमालेया उम्मेदवारयात समर्थन यायेगु धइगु दुथ्याका तःगु दु।
